Një protestë e përbashkët e aktivistëve nga Shqipëria dhe Italia ka ngritur zërin kundër trajtimit të emigrantëve të ndaluar në brigjet italiane. Protestuesit denoncuan ashpër shkeljet e të drejtave të njeriut dhe përdorimin e territorit shqiptar si një platformë për politika që, sipas tyre, janë në kundërshtim me dinjitetin njerëzor.
Reagimi erdhi pasi dy grupe emigrantësh, që kishin mbërritur në Shqipëri, u kthyen në vendet e tyre të origjinës pas vendimit të Gjykatës Italiane që hodhi poshtë urdhrat për dëbimin e tyre. Protestuesit kundërshtuan ashpër përfshirjen e Shqipërisë në këtë proces.
“Ne refuzojmë kategorikisht që Shqipëria të shërbejë si një bazë për politika të tilla antihumane,” deklaruan aktivistët, duke mbajtur pankarta me mesazhe të fuqishme si “Rama-Meloni, partnerë në krime.”
Ata dënuan bashkëpunimin mes dy qeverive, duke e quajtur atë një sulm ndaj parimeve të të drejtave të njeriut dhe një akt që cënon rëndë dinjitetin e emigrantëve. Protesta theksoi nevojën për një trajtim më human të krizës së emigrantëve dhe respektimin e standardeve ndërkombëtare për refugjatët.
©️zërionline
