Janë shfaqur të penduar para gjykatës së Tiranës e cila ka caktuar masën e sigurisë “detyrim paraqitje” për Ervis Hasanagën dhe ish-punonjësen e AMP-së, Regina Omeri, të cilët akuzohen për falsifikim kompjuterik.
Ata u arrestuan pasi në bashkëpunim me zyrtarin tjetër të AMP-së, Kushtrim Selimi, i cili është ende në kërkim, dyshohet se publikonin shkrime me përmbajtje jo të vërtetë për të dëmtuar imazhin e drejtuesve më të lartë të Policisë së Shtetit.
Arrestimi i tyre u vleftësua i ligjshëm nga ana e gjykatës, ndërsa mbrojtja paralajmëroi ankim të vendimit në Apel. Gjatë seancës, dy të arrestuarit mësohet se kanë shfaqur pendesë dhe kanë kërkuar falje për dëmin e shkaktuar, por asnjëri prej tyre nuk ka deklaruar se lajmet e publikuara në portal kanë qenë ose jo të vërteta.
Në vazhdim të hetimeve pritet të bëhet kualifikimi i saktë i veprës penale për secilin nga personat e akuzuar, ndërsa arrestimi nga policia i gazetarit të portalit ku publikoheshin lajmet që janë goditur si të pavërteta dhe denigruese është konsideruar i nxituar nga shumë gazetarë në vend.
@zërionline
