Qytetarët shqiptarë mund të udhëtojnë pa viza dhe në Tajlandë. Lajmin e ka konfirmuar ministri i Punëve të Jashtme, Igli Hasani përmes një njoftimi në rrjetet sociale. Tanimë, shqiptarët mund të udhëtojnë pa viza në 99 shtete. Ministri shtoi se do të vijohet puna për forcimin e pasaportës shqiptare kudo në botë.
“Qytetarët shqiptarë mund të udhëtojnë pa viza në 99 shtete, kjo falë bisedimeve të pandërprera dhe nënshkrimit të marrëveshjeve me disa shtete, së fundmi edhe me Tajlandën. Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare. MEPJ do të vazhdojë punën për forcimin e pasaportës shqiptare kudo në botë”, shkruan ministri Igli Hasani në rrjetin social Facebook.
@zërionline
