Një lokal në lagjen nr. 13, zona e plazhit në Durrës, që ishte përshtatur për përdorim dhe shitje të kokainës, u bë objekt i një operacioni të suksesshëm policor. Operacioni i koduar “Repeat,” pjesë e megaoperacionit “Tempulli,” çoi në arrestimin e dy shtetasve në flagrancë. Të arrestuarit, sipas policisë vendore, janë Donald Tringa, 27 vjeç, i cili administronte lokalin dhe e kishte përshtatur për aktivitetin kriminal, si dhe Diamant Shkina, 33 vjeç, i punësuar ilegalisht si bodyguard, i cili shiste kokainën tek klientët e lokalit.
Gjatë aksionit u sekuestruan një sasi kokainë dhe një përforcues grushti. Materialet hetimore i janë dorëzuar Prokurorisë për ndjekje të mëtejshme.
@zërionline
