Policia e Shteti ka ndaluar pronarin e kompanisë “AMG Food”, që importoi mish pule me Salmonelë nga Brazili.
Bëhet fjalë për Arben Goxha, 50 vjeç.
Biznesmeni ishte shpallur në kërkim për veprën penale “Importimi, prodhimi, shitja dhe ruajtja e ushqimeve të rrezikshme, për shëndetin ose jetën e njerëzve“.
Por prokurori i çështjes vendosi procedimin penal në gjendje të lirë për 50-vjeçarin.
Kompania AMG Food sh.p.k e njohur dhe si Dimal më 11 mars importoi nga Brazili 27 tonë fileto pule të kontaminuar me salmonelë, e cila përfundoi në treg duke rrezikuar shëndetin dhe jetën e konsumatorëve.
Prokuroria e Tiranës ka nisur hetimet për këtë rast flagrant papërgjegjshmërie ndaj konsumatorit.
©️zërionline
