Një 12-vjeçar ka humbur jetën ditën e diel, pasi është dërguar pa shenja jete në një spital privat në Tiranë.
Sipas të dhënave paraprake, dyshohet se i mituri ka pësuar arrest kardiak. Po ashtu, gjatë verifikimeve është ngritur dyshimi se mund të ketë konsumuar alkool, por kjo rrethanë mbetet për t’u konfirmuar.
Ngjarja është referuar për verifikim, ndërsa shkaku i saktë i vdekjes pritet të përcaktohet nga ekspertiza mjekoligjore.
Për shkak të moshës së të miturit dhe rrethanave ende të paqarta, autoritetet po vijojnë verifikimet për të sqaruar se çfarë ka ndodhur para se 12-vjeçari të dërgohej në spital.
©ZëriOnline
