Furnizimi me ujë mund të ketë probleme nesër në të gjithë zonën e shërbimit të Ujësjellës-Kanalizimeve Durrës, për shkak të një ndërhyrjeje të planifikuar në rrjetin elektrik.
Sipas njoftimit të Shoqërisë Rajonale Ujësjellës-Kanalizime Durrës, kufizimet e mundshme do të prekin qytetin e Durrësit, zonat rurale dhe turistike, Maminasin dhe Shijakun.
Operatori i Sistemit të Transmetimit (OST) ka njoftuar se të mërkurën, më 14 tetor, nga ora 09:00 deri në 14:00, do të ndërpritet energjia elektrike në linjën 110 kV Laç 1-Fushë Kuqe.
Nga kjo linjë furnizohen me energji stacionet e pompimit në Fushë Kuqe, Fushë Milot dhe Fushë Krujë, të cilat sigurojnë furnizimin me ujë për zonat e mësipërme.
Shoqëria Rajonale Ujësjellës-Kanalizime Durrës u kërkon qytetarëve mirëkuptim për këtë situatë të përkohshme, e cila mund të sjellë probleme në furnizimin me ujë gjatë orëve të ndërhyrjes.
©ZëriOnline
