Një zjarr ka përfshirë mbrëmjen e sotme dy restorante në qytetin e Librazhdit, duke vënë në lëvizje forcat zjarrfikëse. Ngjarja ka ndodhur pranë lumit Shkumbin, teksa dy restorante ngjitur me njëri-tjetrin janë përfshirë nga flakët.
Sipas të dhënave paraprake, flakët janë përhapur me shpejtësi në të dy objektet, ndërsa zjarrfikësit kanë mbërritur në vendngjarje për të ndërhyrë.
Forcat zjarrfikëse kanë nisur punën për shuarjen e zjarrit dhe për të parandaluar përhapjen e flakëve në ambientet përreth. Deri më tani, nuk ka informacione lidhur me shkaqet e zjarrit dhe përmasat e dëmeve materiale.
