Deputetja e Durrësit, kardiologia Klodiana Spahiu, ka reaguar pas propozimit të Kryeministrit Edi Rama për ta emëruar në detyrën e Nënkryetares së Kuvendit të Shqipërisë dhe seancës së parë parlamentare.
Në një mesazh publik, Spahiu e cilësoi këtë moment si një përgjegjësi të madhe, duke shprehur mirënjohje për besimin e dhënë nga kreu i qeverisë.
“Ky është një moment i rëndësishëm dhe një përgjegjësi e madhe, të cilën e marr me përulësi dhe vendosmëri”, u shpreh deputetja e Durrësit.
Ajo thekson se do të punojë me përkushtim për ta ushtruar këtë funksion me dinjitet dhe për të garantuar bashkëpunim me të gjitha forcat politike në Kuvend. Spahiu nënvizoi gjithashtu se synimi kryesor i punës së saj mbetet forcimi i rolit të Parlamentit në shërbim të qytetarëve dhe mbështetja e objektivit madhor, anëtarësimi i Shqipërisë në Bashkimin Evropian.
©️zërionline
