Një aksident i rëndë ka ndodhur mbrëmjen e sotme në autostradën Fier-Lushnje. Paraprakisht deklarohet se në aksident janë përfshirë disa automjete që lëviznin në drejtim të Lushnjës. Shkak për këtë aksident është bërë një gomar. Kafsha e punës është futur në autostradë duke detyruar drejtuesin e automjetit të parë që e konstatoi të frenojë. Kjo ka çuar në një përplasje zinxhir të 4 automjeteve, duke bllokuar qarkullimin, ndërsa kafsha ka shpëtuar pa dëme.
Menjëherë në vendngjarje kanë mbërritur forcat e policisë për të zbardhur rrethanat e plota dhe shkakun e aksidentit, si dhe kthyer qarkullimin në rrugë. Edhe një automjet zjarrfikës ka mbërritur dhe po punon për të pastruar rrugën nga mbetjet e aksidentit. Nuk raportohet për persona të plagosur nga përplasja, por raportohet për dëme të konsiderueshme materiale.
@zërionline
