Koalicioni për Reforma, Integrim dhe Institucione të Konsoliduara (KRIIK) publikoi një deklaratë, më 24 korrik, ku kritikon mungesën e vullnetit për dialog politik, duke e cilësuar këtë si një qasje të dëmshme për reformat jetike. KRIIK thekson se dështimi për të amenduar kuadrin ligjor zgjedhor dhe për të respektuar angazhimet e marra, sidomos ato të Marrëveshjes Politike të 5 qershorit 2020, përbën një kërcënim serioz për demokracinë funksionale në Shqipëri. Deklarata bën thirrje për një dialog konstruktiv dhe ndërhyrje më të forta nga aktorët ndërkombëtarë për të mbështetur procesin e reformave në vend.
@zërionline
