Një konflikt i çastit mes dy fqinjëve në Rrogozhinë ka përfunduar me humbjen e jetës së një 60-vjeçari, ndërsa reagimi i menjëhershëm i Policisë çoi në identifikimin dhe arrestimin e autorit të dyshuar vetëm pak kohë pas ngjarjes.
Sipas policisë vendore, rreth orës 21:50, në lagjen “Mollaj”, Rrogozhinë, dyshohet se mes shtetasve Meklan Meçe, rreth 25 vjeç, dhe Rrapush Memolla, rreth 60 vjeç, fqinjë me njëri-tjetrin, ka ndodhur një konflikt i çastit për motive të dobëta. Gjatë përplasjes, ku u përdorën mjete prerëse, 60-vjeçari u plagos rëndë dhe më pas humbi jetën, ndërsa 25-vjeçari mbeti i dëmtuar lehtë në dorë.
Menjëherë pas marrjes së njoftimit, shërbimet e Policisë mbërritën në vendngjarje dhe, falë veprimeve të shpejta operacionale, bënë të mundur identifikimin, kapjen dhe arrestimin e autorit të dyshuar, shtetasit M. Meçe
Ndërkohë, grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes dhe dokumentimin ligjor të saj.
©ZëriOnline
