Mbrëmjen e kaluar, lundrimet në linjën Durrës-Bari dhe anasjelltas u pezulluan për shkak të kushteve të përkeqësuara të motit. Si pasojë, mëngjesin e sotëm nuk pati mbërritje tragetesh në port.
Ndërkohë, përpunimi i anijeve tregtare ka rifilluar sipas planifikimit të Dispecerisë së Portit të Durrësit. Në Terminalin Perëndimor, puna nisi sapo shiu dhe era e fortë u qetësuan, duke vijuar me përpunimin e anijes Kledes Mary. Në Terminalin e Konteinerëve, anija MSC Caledonia II u largua, ndërsa Emilia u akostua për të vazhduar shkarkimin. Po ashtu, në Terminalin Lindor, anija Arianna u largua pasi përfundoi shkarkimin e hekurit.
Në Terminalin e Trageteve, Rigel VII dhe AF Franceska vijojnë të qëndrojnë në akostim, në pritje të përmirësimit të motit për të rifilluar lundrimet në orët e para të mëngjesit të së martës.
©️zërionline
