Pas disa ditë kërkimesh, është gjetur pa shenja jete këtë të enjte 27-vjeçari Ajet Lleshi, i cili kishte humbur kontaktet me familjarët që prej datës 6 prill në zonën malore të Pashtrikut, në Has.
Ajeti kishte dalë në mëngjes për të mbledhur dru zjarri, por nuk ishte kthyer më në shtëpi. Moti i keq e kapi në mal. Familja, e alarmuar nga mungesa e kontaktit, nisi menjëherë kërkimet në kushte të vështira moti dhe terreni. Babai i tij, Rizai, së bashku me tre xhaxhallarët, u shpërndanë në zona të ndryshme për të rritur mundësinë e gjetjes së tij.
Përpjekjet e tyre, si edhe ato të policisë, dhe shërbimeve të kërkimit malor të Kosovës nuk sollën rezultat për disa ditë me radhë. Gjatë kësaj kohe, babai i të riut u ndje keq fizikisht nga lodhja dhe stresi, duke humbur ndjenjat, por fatmirësisht mori ndihmën e nevojshme dhe filloi.
Trupi i pajetë i Ajet Lleshit u gjet sot. Lajmi u konfirmua edhe nga vetë familjarët e të ndjerit, të cilët ndodhen në gjendje të rënduar emocionale pas kësaj ngjarjeje të dhimbshme dhe humbjeje të parakohshme.
©️zërionline
