Një aksident i rëndë rrugor është regjistruar pasditen e sotme, në aksin Fier–Lushnjë, në vendin e quajtur “Vajkan”. Në përplasje janë përfshirë një automjet tip kamion, me drejtues Ilir Seitaj, dhe një autoambulancë, e drejtuar nga Jemin Tare.
Autoambulanca po transportonte një pacient nga Spitali Psikiatrik i Vlorës drejt banesës, kur ndodhi përplasja. Si pasojë, janë lënduar pacienti Genci Zylyftari, 38 vjeç, si dhe tre persona që e shoqëronin: babai i tij, Esat Zylyftari, 74 vjeç, banues në Skrapar; Hatem Bakillari, 54 vjeç, punonjës policie në komisariatin e Skraparit; si dhe infermieri Taulant Mekollari, banues në Çorovodë.
Të lënduarit janë transportuar menjëherë në spital, ku ndodhen nën kujdesin e mjekëve dhe jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të shkaqeve të aksidentit.
©️zërionline
