Nga Joni Myshketa
*Kandidat i KEI, qarku Durrës
Është bërë thirrje për protestë ditën e nesërme nga “kryeopozitari i vërtetë”.
Në parim jam dakort me çdo protestë sidomos kundër kësaj kaste që tash kërkon tê gëzojë sërish në kurrizin tonë mandatin e katërt.
Por një e tillë në këto kushte është me hije të errëta, është farse, nuk është reale, nuk është për qytetarët, por për të hequr vëmendjen nga përgjegjësitë e mos ngritjes së një alternative fituese, të një ekipi fitues, por vetëm të rreshtave për të ruajtur status quo-në e kjo u arrit me vrasjen e demokracisë përmes listave të mbyllura.
Protesta e thirrur ditën e nesërme është për të mos zbatuar ligjshmërinë brenda forcës politike, e ç’mund të presësh të nesërmen për zbatimin e ligjit.
Protesta e nesërme nuk është në dobi të atyre qytetarëve që nga dëshpërimi dhe hallet e shumta që krijon Rama & Co të besuan se do e rrëzojë me revolucion brenda 6 muajve.
Protesta e nesërme është hileqare pasi duhet zbatuar neni “Basha” në fillim, duhet bërë një analizë reale dhe e thelluar, duhen evidentuar të gjitha zullumet e ndodhura në këto zgjedhje e duhet bashkëpunuar me Drejtesinë e Re duke i dhënë materialet e duhura e duke e mbështetur atë (Drejtësinë).
Protesta e nesërme është nje amnisti ndaj Ramës idem si slogani’ Është radha jonë” dhe një thikë pas shpine e të gjithe atyre qytetarëve që janë gati të ndjekin deri në fund çdo protestë që ka moral, që është reale dhe perfaqeson qytetarët e jo I përdor ato si Mish për top.
Dhe retorika e patericave të regjimit nuk ju pin më ujë, o legjendar.
Retorika se Basha është ai që mban peng opozitën nuk ju pin më ujë.
Ky i fundit e shënoi fatin e tij politik me veprimet e mosveprimet në kohën e duhur dhe rezultati u pa.
Nuk ka regjim që të tjetersojë vullnetin e një populli kur udhëhiqet nga njerëz të ndershëm, atdhetarë, të vërtetë e që ndajnë të njëjtat halle me qytetarët.
Ju skeni më asnjë lidhje me ne njerëzit e thjeshtë.
Ju jeni supermilionerë (me euro, dollaro, lingota etj) aq sa edhe ata perëndimorët do ju kishin zili për nga shifrat që keni bërë, por jo nga mënyra, se I keni nelë kurrizin tonë, e kam per ju medemek udheheqësit e “Opozites Reale”.
Ju që shpenzoni 6.000.000 dollarë për hallet tuaja personale e që nuk sjellin asnjë dobi për ne qytetarët e thjeshtë që çdo ditë duhet të përballemi me llumin ku Rama & Co na ka zhytur dhe që ju keni pjesën tuaj të fajit për ortakërinë që keni me to.
Lista është shume e gjatë pa dashur t’ju lodh me tepri o miq, por ka mbetur aspak kohë që vendi të kthehet në një favelas, andaj duhet reaguar seriozisht për të dalë nga kjo situatë pasi 4 vite të tjera me këtë zullum në krye, janë një kthim në erën e Andertalit për ne si popull.
Prandaj nuk do jem nesër pjesë e një farse e në dobi të atij (AY) dhe interesave të tij.
Protesta vjen pas analizës dhe duhet të jetë vetëm një e vetme deri në shporrjen e kësaj kaste antikombëtare.
©️zërionline
