Rreth 2,214 maturantë iu drejtuan sot 11 qendrave të administrimit për provimin e parë të Maturës Shtetërore 2026, atë të Gjuhës së Huaj. Nuk u regjistruan problematika gjatë këtij provimi të parë. Sipas ZVA, paraprakisht qenë marrë të gjitha masat organizative, logjistike dhe të sigurisë për të garantuar një proces të qetë dhe të rregullt.
Provimi u zhvillolua në 11 qendra administrimi, të cilat janë pajisur me detektorë sigurie dhe mbështeten nga një strukturë e gjerë personeli, ku përfshihen 130 administratorë, 37 sekretues, 35 përgjegjës kati dhe 11 përgjegjës administrimi. Gjithashtu, në dispozicion të nxënësve janë edhe psikologët shkollorë, ndërsa oficerët e sigurisë do të mbikëqyrin mbarëvajtjen e procesit.
Një nga veçoritë e këtij viti është numri më i ulët i maturantëve krahasuar me një vit më parë. Në Maturën Shtetërore 2025 morën pjesë 2,450 nxënës, ndërsa këtë vit janë rreth 2,214, ose 236 maturantë më pak, një rënie prej afro 10%. Megjithatë, numri i qendrave të provimit mbetet i pandryshuar, me 11 qendra, që pritet të lehtësojë menaxhimin e fluksit të nxënësve.
Ky provim i parë tradicionalisht shënon hapjen zyrtare të sezonit të Maturës Shtetërore.
Ky vit, sipas ZVA Durrës, synon të garantojë standarde të larta sigurie, transparencë në administrim dhe kushte sa më të mira për maturantët që nisën sot sfidën e provimeve të maturës.
Suksese të gjithë maturantëve dhe familjeve të tyre!
©ZëriOnline
