Një konflikt i çastit mes dy të moshuarve ka përfunduar me plagosje me thikë në lagjen nr. 11 të qytetit të Durrësit. Ngjarja ka ndodhur këtë pasdite, në lulishten pranë filialit të Postës Shqiptare, ku dy burra ishin duke luajtur domino kur debati mes tyre degjeneroi në dhunë fizike.
Sipas informacionit policor, 68-vjeçari me iniciale A. Zh. ka plagosur me mjet prerës shtetasin F. T., 70 vjeç, i cili u transportua menjëherë në spital dhe ndodhet nën kujdesin e mjekëve.
Policia ka ndërhyrë menjëherë në vendngjarje dhe ka bërë të mundur arrestimin e autorit të dyshuar, i cili është shoqëruar në Komisariatin e Policisë së Durrësit për veprime të mëtejshme hetimore.
Burimet policore sqarojnë se konflikti ka ndodhur për motive të dobëta dhe se vijon puna për dokumentimin e plotë të rrethanave të kësaj ngjarjeje.
©️zërionline
