Shqipëria dhe Italia do të kenë një komision të përbashkët për monitorimin e administratave doganore të dy vendeve. Marrëveshja u nënshkrua në Tiranë nga ministri i Financave, Ervin Mete, Drejtori i Përgjithshëm i Agjencisë së Doganave dhe Monopoleve të Italisë, Roberto Alesse dhe Komandanti i Përgjithshëm i Guardia di Finanza, Andrea De Gennaro.
Komisioni do të kryejë monitorimin e bashkëpunimit mes administratave doganore të dy vendeve dhe ndërmarrjen e nismave të përbashkëta në kuadër të përafrimit të procedurave dhe legjislacionit me standardet dhe kuadrin ligjor të Bashkimit Evropian.
