Rreth orës 13:45, një zjarr ka rënë në parkun e autobusëve në sektorin “Rinia”, në lagjen nr. 15 të Durrësit, pranë zonës së njohur si “Eco Park”. Si pasojë e flakëve, janë përfshirë disa autobusë të vjetër që ndodheshin të parkuar në ambientet e këtij parku.
Në vendngjarje ndodhen shërbimet e Policisë dhe të zjarrfikëses, të cilat po punojnë për shuarjen e plotë të zjarrit, ndërsa paralelisht kanë nisur veprimet për sqarimin e rrethanave dhe përcaktimin e shkakut të ngjarjes. Policia thotë se situata po monitorohet.
