Një mbrëmje në prag feste u kthye në panik për një familje në Durrës, kur një i mitur 15 vjeç u dëmtua keq në fytyrë, pas dyshimeve se është plagosur nga lëndë piroteknike.
Ngjarja ka ndodhur rreth orës 21:45 të datës 27 dhjetor 2025, ndërsa i mituri është dërguar fillimisht në Urgjencën e Spitalit Rajonal Durrës. Sipas informacioneve paraprake, dëmtimi dyshohet se ka ndodhur në ambientet e banesës së tij, gjatë përdorimit të mjeteve piroteknike.
Për shkak të gjendjes shëndetësore dhe natyrës së plagëve, 15-vjeçari është transportuar me urgjencë drejt Spitali i Traumës në Tiranë, për trajtim më të specializuar.
Specialistët për Hetimin e Krimeve të Komisariati i Policisë Durrës kanë referuar materialet në Prokurori, ndërsa po vijojnë veprimet hetimore për zbardhjen e plotë të rrethanave të kësaj ngjarjeje.
©️zërionline
