Pas arratisjes së ndodhur një ditë më parë të të paraburgosurit Altin Ndoci, i arrestuar disa vite më parë nga SPAK në kuadër të operacionit “Plumbi i Artë”, hetimet kanë sjellë masa të menjëhershme ndaj stafit të Burgut të Durrësit.
Burime zyrtare bëjnë me dije se janë arrestuar 8 punonjës të këtij institucioni, ndërsa drejtuesit janë pezulluar nga detyra. Të gjithë personat e ndaluar dyshohen për veprën penale të shpërdorimit të detyrës, në lidhje me shkelje të rënda të protokolleve të sigurisë që dyshohet se kanë mundësuar arratisjen.
Të arrestuarit janë:
- Aulon Çuko, kryeinfemier i burgut
- Dezdemon Pazaj, shef i komanduar i Policisë së Burgut të Durrësit
- Dorian Saraçi, efektiv i Policisë së Burgut
- Sali Ferollari, efektiv i Policisë së Burgut
- Preng Marvataj, efektiv i Policisë së Burgut
- Fation Baçi, efektiv i Policisë së Burgut
- Aranit Çela, efektiv i Policisë së Burgut
- Violeta Uka, specialiste e informacionit
Sipas hetimeve paraprake, dyshohet se mungesa e kontrollit dhe neglizhenca në ushtrimin e detyrës nga disa hallka të stafit kanë krijuar kushte të favorshme për largimin e të paraburgosurit me rrezikshmëri të lartë.
Ndërkohë, autoritetet vijojnë kërkimet për kapjen e Altin Ndocit, si dhe hetimet për të zbardhur plotësisht rrethanat dhe përgjegjësitë konkrete institucionale që çuan në këtë ngjarje të rëndë, e cila ka vënë në pikëpyetje sigurinë e të dënuarve jashtë sistemin penitenciar.
©️zërionline
