Arrestohet ish‑drejtori i Autoritetit Kombëtar të Ushqimit në Durrës, Elton Varaku, 41 vjeç, banues në Shijak, pas shkatërrimit të objekteve të punës dhe përdorimit të gjuhës kërcënuese ndaj punonjësve të institucionit.
Situata brenda ambientit të AKU-së u tensionua shpejt, ndërsa punonjësit rrëfyen për policinë se veprimet e ish‑drejtorit shkaktuan frikë dhe shqetësim. “Ishte një moment shumë i vështirë për t’u përballuar”, kanë thënë disa prej tyre.
Specialistët për Hetimin e Krimeve ndërhynë menjëherë dhe e arrestuan në vendngjarje.
Hetimet për rrethanat e kësaj ngjarjeje vijojnë.
Burime nga personeli i AKU-së bëjnë me dije se pas largimit nga kjo detyrë, Varaku ka shfaqur probleme të sjelljes dhe agresivitet. Ai ka mbajtur prej vitesh detyra drejtuese në ndërmarrje dhe institucione të ndryshme të Durrësit, ndërsa tani përballet me një situatë krejt tjetër.
©️zërionline
