Gjatë ditës së sotme, në tregun me pakicë nafta është tregtuar me 224 lekë/litër, ndërsa benzina me 181 lekë/litër. Në të njëjtën ditë, Bordi ka vendosur që çmimi maksimal i naftës të jetë 220 lekë/litër dhe i benzinës 181 lekë/litër.
Megjithatë, vendimi i Bordit nuk ka qenë në fuqi gjatë gjithë ditës. Ai hyn në fuqi në orën 15:30, që do të thotë se çmimet e konstatuara më herët gjatë ditës nuk i nënshtroheshin ende kufizimit të ri.
Pas hyrjes në fuqi të vendimit, çdo shitje mbi çmimet e përcaktuara përbën shkelje dhe mund të ndëshkohet me masa deri në pezullim aktiviteti për operatorët. Ulja me 4 lekë e çmimit gjithsesi duket qesharake për drejtuesit e mjeteve, që po përballen dhe me rritje të tjera çmimesh si çdo qytetar.
Ndërkaq institucionet përgjegjëse theksojnë se monitorimi në terren do të vijojë, me qëllim mbrojtjen e konsumatorëve dhe garantimin e zbatimit të rregullave në tregun e karburanteve.
©️zërionline
