Tensione të forta me sharje dhe përplasje fizike kanë karakterizuar ndeshjen e sotme në stadiumin “Adush Muçaj” të Ballshit, gjatë ndeshjes Bylis-Orik. Në fushën e blertë janë regjistruar përplasje fizike mes lojtarëve dhe tifozëve.
Sipas burimeve nga vendngjarja, tensionet kanë nisur në fushën e lojës duke degraduar në konfrontime të drejtpërdrejta në fushë dhe në shkallët e stadiumit.
Situata doli jashtë kontrollit, duke detyruar ndërhyrjen e forcave të policisë për të rivendosur rendin.
Gjatë incidentit, mësohet se u shoqërua në ambientet e Policisë futbollisti Bruno Telushi, ndërsa nuk dihen ende rrethanat e plota të përfshirjes së tij në përplasje.
Policia po punon për të sqaruar rrethanat e ngjarjes, ndërsa pritet një reagim zyrtar nga klubet lidhur me incidentin dhe masat që do të merren ndaj personave të përfshirë në të.
©️zërionline
