Një 37-vjeçar humbi jetën në Patos. Incident tragjik u raportua këtë pasdite nga spitali rajonal i Fierit, ku u dërgua pa shenja jete shtetasi egjiptian M. S., 37 vjeç. Viktima ishte punëtor në një kompani që merret me vendosjen e shtyllave të tensionit të lartë dhe po punonte në fshatin Ruzhdije, Patos.
Sipas hetimeve paraprake, dyshohet se ai ka rënë nga lartësia gjatë punës, gjë që çoi në humbjen e jetës së tij. Policia ka shoqëruar personat përgjegjës në Komisariat për veprime të mëtejshme, ndërsa grupi hetimor po punon për të sqaruar plotësisht rrethanat e incidentit.
Ky rast ngre shqetësime mbi sigurimin teknik në vendin e punës. Ashtu si punëtorêt shqiptarë edhe emigrantët e huaj, përballen me kushte të rrezikshme pune pa mbrojtje të mjaftueshme.
@zërionline
