Mbrëmjen e së hënës në katin e 9-të të një pallati, në zonën e Shkëmbit të Kavajës, te kompleksi “Kamelia”, ka rënë zjarr në një apartament në pronësi të shtetasit Enver Shala.
Menjëherë pas marrjes së njoftimit, në vendngjarje kanë shkuar shërbimet e Policisë dhe të MZSH-së.
Zjarri është shuar dhe situata është vënë nën kontroll, po dhe pas kësaj pushues e banorë nuk kanë mundur të kthehen në objekt. Ata kanë qëndruar jashtë derisa në pallat u kthye energjia elektrike dhe largua tymi.
Sipas të dhënave paraprake, 6 shtetas janë transportuar në spital për të marrë ndihmë mjekësore, pasi kanë shfaqur vështirësi në frymëmarrje si pasojë e tymit. Ata janë jashtë rrezikut për jetën.
Grupi hetimor vijon punën për sqarimin e plotë të rrethanave dhe përcaktimin e shkakut të rënies së zjarrit.
©ZëriOnline
