Alban Xhelili, ish-deputeti i Partisë Socialiste për Durrësin është emëruar në krye të filialit të Postës Shqiptare në Durrës. Ky emërim vjen në një moment delikat dhe plot sfida për këtë institucion.
Alban Xhelili ka qenë deputet i PS-së në Kuvendin e Shqipërisë, duke qenë pjesë e debateve politike dhe ekonomike për rajonin bregdetar. Përpara angazhimit të tij të plotë në politikë, Xhelili ka pasur eksperiencë në fushën e financës dhe auditimit, duke drejtuar subjekte konsulence kontabël, një element që lidhet drejtpërdrejt me menaxhimin e institucioneve. Ai ishte pjesë e listës së kandidatëve të PS-së në garën e fundit elektorale në qarkun e Durrësit, pa nundur të fitojë.
Marrja e postit të drejtorit të filialit nga ana e Xhelilit vjen pas një periudhe të trazuar për këtë institucion. Filiali i Postës në Durrës u përfshi së fundmi nga një skandal i madh financiar, ku dy ish-drejtuesett u ndaluan nga drejtësia nën akuzat për abuzim dhe vjedhje të fondeve të dedikuara për pensionet dhe ndihmat
Në këtë kontekst, emërimi i tij shihet si një lëvizje për të rikthyer stabilitetin, kontrollin financiar dhe besimin e qytetarëve tek shërbimet postare në Durrës, Shijak dhe Krujë. Prezantimi i tij pritet të shënojë nisjen e një faze të re riorganizimi për filialin e Durrësit.
