Kryebashkiakja shqiptare Sindy Manushi “shkërmoq” ligjin e ri të për emigrantët duke e konsideruar “një provokim i ulët! Po ndjekin çmenduritë e ekstremit të djathtë!”
Nga Elbasani në majat e politikës italiane, historia e Sindy Manushit po kthehet në një “makth” të vërtetë politik për koalicionin qeverisës në Romë. Në një intervistë mjaft të bujshme të dhënë për prestigjozen italiane Corriere della Sera, kryebashkiakja e parë shqiptare në Itali ka goditur pa mëshirë nismën më të fundit të kryeministres, duke ndezur një debat mbarëkombëtar ku janë përfshirë figurat më të larta të politikës italiane.
Pasi qeveria e krahut të djathtë propozoi dekretin për të vendosur një tavan prej 30% për nxënësit pa shtetësi italiane nëpër klasa, Manushi ka shpërthyer publikisht, duke e cilësuar këtë si një përpjekje të pastër elektorale të partisë Fratelli d’Italia për t’u përshtatur me politikat gjithnjë e më ekstreme të krahut radikal të djathtë.
“Erdha nga Shqipëria dhe dhashë leksione për italianët!”
Me një gjuhë të ashpër që ka marrë jehonë të menjëhershme, avokatja 34-vjeçare shqiptare ka përdorur shembullin e saj personal për të rrëzuar propagandën e Romës zyrtare:
“Kam ardhur në Itali në klasën e katërt fillore. E mësova italishten për një kohë shumë të shkurtër pa pasur mësues mbështetës. Ju siguroj se nuk kam ndonjë talent mbi normalen, por vitin pasues, në klasën e pestë, mësueset më caktuan mua përkrah një djali italian nga zona, që ta ndihmoja të përgatiste punimin e tij përfundimtar”, ka deklaruar ajo, duke treguar se fëmijët e huaj nuk janë “frenues” të klasës siç pretendon qeveria.
Përplasja politike në Itali: Çfarë po ndodh në prapaskenë?
Deklarata e Manushit ka shërbyer si benzinë mbi zjarri në Romë, duke ekspozuar edhe përçarjet brenda vetë qeverisë italiane:
Mbrojtja e Melonit dhe e Djathta ka dalë në mbrojtje të nismës, duke pretenduar se ky ligj shmang krijimin e “klasave geto” dhe se nuk lejohet që fëmijët italianë të ndihen në minorancë apo të lihen në cep. Nga ana tjetër, zv.kryeministri u mundua të zbusë tonet duke thënë se propozimi “nuk është kundër studentëve të huaj” por synon ruajtjen e identitetit kombëtar përmes integrimit të kontrolluar.
Reagimi i Majtës (PD): Sindy Manushi, si përfaqësuese e rëndësishme e Partisë Demokratike (PD) në Veneto, ka gjetur mbështetjen e plotë të opozitës italiane. E majta e ka cilësuar propozimin e Melonit si “politikë të pastër populiste dhe ideologjike” që nuk ka lidhje me shkollën e vërtetë.
“Duhen para, jo fjalë!”
Në fund të intervistës së saj, Manushi ka lëshuar sfidën e hapur financiare ndaj qeverisë: “Politikat e integrimit nuk mund të realizohen pa kosto. Mangësitë e vërteta me të cilat përballemi çdo ditë nëpër klasa janë mësuesit mbështetës, psikologët, edukatorët dhe ndërmjetësit gjuhësorë. Duhen para, jo fjalë!”
Me këtë qëndrim të prerë, vajza nga Elbasani ka dëshmuar se nuk është thjesht një kryebashkiake e një province malore, por një lidere e guximshme që po dikton axhendën e debatit për emigracionin në të gjithë Italinë.
©ZëriOnline
