Një shpërthim me tritol ka ndodhur në një banesë në zonën e Unazës Perëndimore të qytetit të Shkodrës. Sipas informacioneve paraprake, lënda plasëse ishte vendosur në banesën e efektivit të Policisë, Ardian Beçina, i cili shërben në sektorin e Kriminalistikës.
Në momentin e shpërthimit, brenda banesës ndodheshin edhe persona, por fatmirësisht asnjëri prej tyre nuk ka mbetur i lënduar.
Nga shpërthimi janë shkaktuar vetëm dëme materiale. Ende nuk dihen rrethanat dhe motivet e kësaj ngjarjeje, ndërsa mbetet për t’u sqaruar nëse shpërthimi ka lidhje me detyrën e efektivit të Policisë.
©ZëriOnline
