Sot, u nda papritur nga jeta në moshën 44-vjeçare ish-deputeti i PD, Gerti Bogdani.
“Kam probleme me frymëmarrjen”, u është drejtuar ai miqve të tij, me të cilët po pinte kafen në hotel Rogner në Tiranë dhe është laguar për në tualet.
Por pasi është vonuar, miqtë e tij të shqetësuar shkuan dhe e kanë hapur derën me forcë.
Ata e kanë gjetur ish-deputetin e PD-së të shtrirë përtokë dhe i kanë dhënë ndihmën e parë. Më pas kanë lajmëruar autombulancën, por sipas dëshmitarëve është vonuar.
Ish-deputeti Gerti Bogdani dyshohet se ndërroi jetë për shkak të një arresti kardiak.
Homazhet në nderim të tij, do të mbahen nesër në Kuvend.
Kush ishte Gerti Bogdani?
Baba i dy fëmijëve me aktivisten Edlira Çepani,
Gerti Bogdani kishte mbaruar shkollën e mesme “Harry Fultz”, me rezultate të shkëlqyera dhe ‘Medalje Ari’, ku ka spikatur si fitues i olimpiadave shkencore, konkurseve të debatit dhe në jetën sportive te shkollës.
Ai vijoi studimet e larta në Universitetin Politeknik të New York-ut, ku u diplomua duke u shpallur edhe fitues i Outstanding Graduate Award – ‘Medalje Ari’.
Më pas u rikthye në Shqipëri, duke e filluar karrierën e tij profesionale në fushën akademike e më pas duke dhënë kontributin e tij në jetën politike e shoqërore të vendit. Së fundmi kishte krijuar dhe organizatën “Fultz Alumni”.
©️zërionline
