Hekurudha Durrës – Tiranë një projekt i rëndësishëm kombëtar, punimet e së cilës deklarohet se janë kryer në masën 70% pritet të përfundojë në mars të viti të ardhshëm. Sipas parashikimeve, koha e udhëtimit në linjën Tiranë-Durrës do të jetë 22 minuta dhe Tiranë-Rinas vetëm 12 minuta.
Linja do të ketë 11 stacione, të cilat do nisin nga Durrësi, për të vijuar në Shkozet-Sukth-Vorë-Kashar, linja këto ekzistuese që paraqesin nevojën për rikonstruksion. Më pas aksi hekurudhor do të vijojë në Laknas, Aeroporti i Tiranës dhe Terminali i Transportit Publik Tiranë.
Stacioni i 9-të dhe i 10-të janë parashikuar dhe projektuar të ndërtohen në kontratën e segmentit shtesë nga Terminali i Transportit Publik Tiranë deri te Bulevardi i Ri. Ndërkohë stacioni i 11-të është menduar të shtrihet në kryqëzimin e rrugës “Jordan Misja”- Bulevardi i Ri.
Linja hekurudhore është e gjatë 39 km dhe financimi i saj mbështetet nga BERZH përmes një kredie me vlerë 70 milionë euro. Treni i linjës Durrës-Tiranë do të jetë elektrik, ndërkohë që shpejtësia e lëvizjes parashikohet të jetë 100 km /orë.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
