Një rimorkiator ka dalë në breg si pasojë e motit të keq në det të hapur. Ngjarja ka ndodhur për shkak të erës së fortë që fryn nga drejtimi jug-perëndim, duke e detyruar mjetin lundrues të largohet nga rada ku ndodhej dhe të dalë në breg.
Në bord ndodheshin dy persona, të cilët fatmirësisht ndodhen jashtë rrezikut për jetën.
Çfarë është rimorkiatori?
Rimorkiatori është një mjet lundrues i posaçëm, i ndërtuar për të tërhequr ose shtyrë anije të tjera në porte, në zona të ngushta detare apo gjatë manovrimeve. Zakonisht përdoret për ndihmë teknike ose për të transportuar mjete të dëmtuara.
Në këtë rast, rimorkiatori doli jashtë kontrollit nga kushtet e vështira atmosferike, duke përfunduar në breg. Autoritetet detare po ndjekin situatën për të bërë të mundur rikthimin e tij në det në kushte të sigurta, po errësira dhe deti me dallgë po e vështirëson ndërhyrjen.
©️zërionline
