Distria Krasniqi ka fituar titullin e kampiones së Evropës për herë të tretë në karrierën e saj. Medalistja e dyfishtë olimpike, fitoi medaljen e artë në Kampionatin Evropian të xhudos, i mbajtur në Podgoricë të Malit të Zi. Medaljen e artë, xhudistja kosovare e arriti pasi triumfoi në finale ndaj italianes, Odetta Giuffrida, pas dy hedhjeve të suksesshme, për t’i siguruar Kosovës medaljen e artë në kategorinë deri në 52 kilogramë.
Distria ia doli ta mposht me mjeshtri në gjysmëfinale spanjollen Ariane Toro Soler, të cilën e hodhi në tatami me Ippon fantastik.
Kujtojme se në fazën e 1/8-tës ajo fitoi me kundërshtaren serbe, Milica Nikolic. Në këtë ndeshje, xhudistja pejane u paraqit dukshëm më mirë, duke e detyruar kundërshtaren Nikolic të gabojë disa herë deri sa mori karton të kuq.
©️zërionline
