Ndahet nga jeta Piro Milkani. Regjisori që i dha aq shumë kinematografisë shqiptare ka ndërruar jetë në moshën 86-vjeçare. Lajmin e ka dhënë djali i tij Eno Milkani, i cili shkruan në rrjetet sociale: “Iku babai, shoku dhe kolegu im”.
Sot përcillet për në banesën e fundit.
Piro Milkani lindi më 9 dhjetor 1939 në qytetin e Korçës. Pas përfundimit të shkollës së mesme, ai vazhdoi studimet në Akademinë e Arteve të Bukura në Pragë, Çekosllovaki, ku u diplomua në degën e operatorit.
Karriera e tij në kinematografi përfshin regjinë e mbi 20 filmave artistikë dhe dokumentarë, duke përfshirë tituj të njohur si: “Trishtimi i zonjës Shnajder”; “Ngjyrat e moshës”; “Pranvera s’erdhi vetëm”; “Eja!”; “Në prag të jetës”; “Militanti”; “Fraktura”; “Besa e kuqe”; “Në kufi të dy legjendave”; “Një shoqe nga fshati”; “Ballë për ballë”; “Shëmbja e idhujve”; “Zonja nga qyteti”; “Çifti i lumtur”; “Shtigje lufte”; “Një firmë e hekurt” (dokumentar); “Festë e madhe” (dokumentar); “Kur zbardhi një ditë”; “Përse bie kjo daulle”; “Festivali 7-te i fëmijëve” (dokumentar); “Fitues”; “Gadhnjim mbi vdekjen”.
Piro Milkani ishte një prej figurave më të rëndësishme të kinematografisë shqiptare, me një karrierë të gjatë dhe kontribut të jashtëzakonshëm në artin e regjisurës. Ai do të mbahet mend si një personalitet i dashur dhe i respektuar jo vetëm për talentin, por edhe për dashurinë dhe përkushtimin ndaj artit dhe familjes.
©️zërionline
