Një ngjarje e rëndë është shënuar në Durrës, ku një 48-vjeçar, me profesion kameraman, është rrëmbyer me forcë dhe më pas dhunuar nga katër persona. Sipas Policisë, ngjarja është denoncuar nga vetë i dëmtuari, shtetasi Denis Simaku, i cili ka deklaruar se është marrë me forcë në një automjet nga katër persona dhe është dhunuar fizikisht.
Menjëherë pas kallëzimit, shërbimet e Komisariatit të Policisë Durrës kanë nisur veprimet hetimore, duke bërë të mundur identifikimin e personave të dyshuar si autorë të kësaj ngjarjeje. Ata janë Anderson Kodra, 27 vjeç; Klerian Kodra, 31 vjeç; Jaho Kodra, 35 vjeç; dhe Samuel Puja, 27 vjeç, të gjithë banues në Durrës.
Policia bën të ditur se po punohet intensivisht për lokalizimin dhe kapjen e tyre, ndërsa është sekuestruar edhe automjeti i përdorur për kryerjen e këtij akti të dhunshëm.
I dëmtuari ndodhet aktualisht nën kujdesin e mjekëve dhe fatmirësisht është jashtë rrezikut për jetën.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme ligjore. Ndërkohë, hetimet vijojnë për zbardhjen e plotë të rrethanave të kësaj ngjarjeje.
©️zërionline
