Një incident në Gjirin e Lalzit ka çuar në vendosjen e një mase administrative prej 100,000 lekësh dhe bllokimin e një mjeti lundrues. Siguria në plazhe merr përparësi në sezonin turistik. Shërbimet e Policisë Kufitare Durrës, në bashkëpunim me Njësinë Policore Detare, ndërhynë menjëherë pas denoncimeve të qytetarëve në rrjetet sociale.
Gjatë patrullimit të vijës bregdetare për garantimin e rendit dhe sigurisë publike, policia identifikoi një mjet lundrues që kishte shkelur perimetrin e sigurisë ujore dhe kishte vënë në rrezik jetën e pushuesve. Drejtuesi i mjetit, shtetasi E. Ll., u ndëshkua me gjobë dhe mjeti iu bllokua.
Policia Kufitare apelon për respektimin e rregullave të sigurisë dhe falënderon qytetarët për bashkëpunimin, duke i inkurajuar që të denoncojnë shkeljet në numrin pa pagesë 112.
@zërionline
