Zjarri në fshatin Cerile të Mallakastrës vazhdon të përhapet që nga mbrëmja e djeshme. Me ardhjen e helikopterit, intensiteti i flakëve është ulur, por era ka shkaktuar ndezjen e vatrave të reja. Sipas shërbimit zjarrfikës në zonë, terreni i vështirë ka penguar operacionet, dhe përveç zjarrfikësve, edhe banorët e zonës kanë ndihmuar me mjete rrethanore për të shuar flakët.
Zjarri u aktivizua mbrëmjen e djeshme, dhe deri tani, tre banesa janë përfshirë nga flakët, njëra prej të cilave e banueshme. Fatmirësisht, nuk ka pasur probleme me shëndetin e banorëve. Dëmet janë të konsiderueshme dhe aksioni për shuarjen e flakëve vazhdon si nga toka ashtu edhe nga ajri.
Në të gjithë vendin ka vatra zjarri që kanë angazhuar forca të shumta për shuarjen e tyre.
Lufta me zjarret vazhdon.
@zërionline
