Shirat e para të gushtit kanë prishur planet e shumë pushuesve në bregdet. Pas javësh me mot të nxehtë dhe diell, reshjet e shiut detyruan shumë turistë të largohen nga plazhet, duke prishur përkohësisht atmosferën verore dhe krijuar trafik të rënduar në rrugë. Lokalet buzë detit dhe shezlongët që deri dje ishin plot, sot duken të boshatisur, ndërsa deti i trazuar ka zëvendësuar pamjen e qetë të bregdetit. Megjithatë, meteorologët parashikojnë se kjo ndërprerje e motit të qëndrueshëm do të jetë e përkohshme dhe dielli do të kthehet për të ofruar edhe javë të tjera plazhi në bregdetin e Adriatikut, para përfundimit të sezonit turistik.
zërionline
