Një aksident zinxhir ka ndodhur në autostradën Durrës-Tiranë, në afërsi të mbikalimit të Shënavlashit, duke shkaktuar probleme serioze në qarkullimin e automjeteve në të dyja kahet e lëvizjes. Sipas informacioneve policore, aksidenti ka përfshirë disa automjete, por fatmirësisht raportohet vetëm për dëme materiale dhe asnjë të lënduar. Gjithsesi automjetet janë dëmtuar rëndë dhe dy drejtues të tyre kanë shkuar në spital për kontroll pas traumës së pësuar.
Policia ka mbërritur në vendngjarje dhe ka punuar për rikthimin e normalitetit në qarkullim. Burime nga vendi i ngjarjes thonë se përplasja fillimisht ka ndodhur në njërin kah të lëvizjes. Në anën tjetër të autostradës, drejtuesit e mjeteve kanë ulur shpejtësinë për të parë çfarë po ndodhte, gjë që ka shkaktuar përplasje të mëtejshme.
Hetimet po vazhdojnë për të përcaktuar shkakun e saktë të aksidentit dhe për të qartësuar rrethanat e tij. Ndërkohë, drejtuesve të mjeteve u kërkohet të tregohen të kujdesshëm dhe të shmangin ndalimet e panevojshme në autostradë.
©️zërionline
