Anija ushtarake italiane “Casiopea” mbërriti këtë të martë në portin e Shëngjinit, pasi u nis të premten nga ishulli i Lampeduzës. Në bordin e saj ndodheshin 49 emigrantë të paligjshëm me kombësi nga Egjipti, Bangladeshi, Bregu i Fildishtë dhe Gambia.
Fillimisht, anija ishte planifikuar të mbërrinte në ujërat shqiptare mëngjesin e së hënës, më 27 janar, por një defekt teknik shtyu lundrimin për një ditë më vonë.
Ky përbën kontingjentin e tretë të emigrantëve të paligjshëm që mbërrijnë në Shqipëri nga Italia. Më 16 tetor dhe 8 nëntor 2024, anija luftarake italiane “Libera” transportoi dy grupe me 24 emigrantë në total, kryesisht nga Egjipti dhe Bangladeshi. Sipas vendimit të gjykatës italiane, këta emigrantë u kthyen shpejt, pasi Egjipti dhe Bangladeshi u cilësuan si vende të sigurta.
Mbërritja e tretë shënon një tjetër kapitull në menaxhimin e krizës së emigrantëve dhe në bashkëpunimin mes Shqipërisë dhe Italisë.
Të shohim si do të shkojë këtë herë.
©️zërionline
