Gjykata e Durrësit e vleftësoi sot të paligjshëm arrestimin e 12 nga 13 personat e ndaluar gjatë operacionit policor “Winter”, i cili synonte goditjen e shpërndarësve të drogës pranë shkollave në Kavajë. Operacioni, i zhvilluar të dielën, u konsiderua nga policia si një nga aksionet më të mëdha në këtë qytet.
Pas një seance të gjatë gjyqësore, e zhvilluar pa praninë e mediave, gjyqtarja Suela Xhani caktoi masat shtrënguese për të arrestuarit, duke lënë në paraburgim vetëm katër prej tyre, ndërsa për një tjetër u vendos “Arrest në shtëpi”.
– 4 të arrestuarit që do të qëndrojnë në “Arrest në burg” janë:
– Arben Xhihani
– Kujtim Veizi
– Serxho Abazi
– Renaldo Gjondeda
– 1 shtetas – “Arrest në shtëpi”
– 7 shtetas – “Detyrim paraqitjeje në Policinë Gjyqësore” dhe “Ndalim i daljes jashtë shtetit”
– 1 shtetas – “Detyrim paraqitjeje në Policinë Gjyqësore”
Gjykata ka vlerësuar se për shumicën e të ndaluarve mungonin kushtet ligjore për arrestim, duke vendosur masa më të lehta sigurie.
©️zërionline
