Kryetari i Partisë Demokratike, Sali Berisha në një konferencë për shtyp komentoi protestën për platformën ‘TikTok’.
Kryedemokrati u bëri thirrje nxënësve që të nisin bojkotin e mësimit, ndërsa shtoi se shkolla nuk duhet të guxojë t’i ndalojë.
“Duhet të fillojë bojkoti i mësimit. Ai që iu vë censurën, shkelmon mbi të ardhmen tuaj. Tik Tok është mjeti aktualisht më modern i komunikimit. Problemi është që një njeri pa asnjë tagër, pa asnjë ligj kërkon të varë në sheshin Skëndebej TikTok se e kritikoni ju, ju keni të drejtë të nisni grevën dhe të bojkotoni mësimin.
Ditën e hënë orën e parë të mungoni sa më shumë. U bëj thirrje prindërve të mos i dërgojnë fëmijët në shkollë të paktën orën e parë të hënën, si një akt i betejës së fëmijëve tuaj për lirinë e shprehjes dhe kundër censurës. Nuk do guxojë mësues t’u ndalojë juve për grevën, kush e bën do përballet me pasojat”, deklaroi Berisha.
Nxënësit e klasave të larta të arsimit parauniversitar me t’u vënë në dijeni të kësaj kanë vënë në dijeni prindërit duke u thënë se janë dakord të solidarizohen me protestën kundër mbylljes së TikTok.
©️zërionline
