Gjykata e Lartë do të shqyrtojë sot rekursin e bërë nga ish-deputeti demokrat Ervin Salianji, pas vendimit të Apelit ku u la në fuqi vendimi për burgosjen e tij.
Salianji ndodhet në burgun e Fierit prej 27 shtatorit 2024, ndërsa është dënuar për kallëzim të rremë me 12 muaj burg, për dosjen e njohur me emrin “Babale”.
Rekursi do të mbahet në dhomë këshillimi, pa avokat të pranishëm dhe vendimi pritet që të jepet paraditen e nesërme. Më herët Gjykata e Lartë e refuzoi kërkesën e Salianjit për pezullimin e dënimit me 1 vit burg nga Apeli.
©️zërionline
