Një 25-vjeçar i shpallur në kërkim për plagosjen e rëndë të një të riu është arrestuar në pikën kufitare të Muriqanit, teksa po tentonte të largohej nga Shqipëria.
Nazif Xhaferraj, banues në Durrës, ishte në kërkim që prej datës 28 shkurt 2025, pasi dyshohet se, në bashkëpunim me vëllanë e tij, F. Xhaferraj, ka sulmuar me sende të forta 19-vjeçarin L. Gj., duke i shkaktuar dëmtime të rënda. Ngjarja ka ndodhur në lagjen nr. 14 të Durrësit dhe dyshohet se motivet e sulmit kanë qenë të dobëta.
Pas ndalimit nga policia, materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme. Autoritetet vijojnë hetimet për të zbardhur plotësisht rrethanat e ngjarjes dhe për të vënë para drejtësisë të gjithë të përfshirët.
©️zërionline
