Pas festimeve për ardhjen e pranverës, dimri është rikthyer në vend, duke sjellë ulje temperaturash dhe reshje dëbore në zonat malore.
Në qarqet Korçë, Elbasan, Dibër, Kukës etj. raportohen reshje dëbore, por jo akse të bllokuara prej saj deri tani.
Në Steblevë, trashësia e dëborës ka arritur rreth 10 cm, por rrugët mbeten të kalueshme. Edhe në Qafë Thanë ka prani dëbore, pa shkaktuar probleme në qarkullimin e mjeteve në këtë aks kombëtar.
Në Bulqizë, reshjet e dendura të shiut janë pasuar nga ato të borës, pasi temperaturash pësuan rënie deri në -4°C. Dëbora është afruar pranë qytetit dhe ka mbuluar fshatrat e thella të shumë njësive administrative Trebisht, Ostren, Zerqan, Martanesh etj, ku ka shkaktuar dëme në frutikulturë dhe tek të mbjellat.
Probleme janë raportuar edhe në rrugët e minierave, ku reshjet kanë vështirësuar lëvizjen. Sipas parashikimeve, nata e sotme do të shënojë temperaturat më të ulêta dhe java do të jetë e ftohtë, siç ndodh random pas Festës së Verës.
©️zërionline
