U përkujtua, sot, në Durrës 86-vjetori i rezistencës antifashiste shqiptare. Autoritete vendore, familjarë të veteranëve dhe të të rënëve bënë homazhe pranë monumentit të Heroit të Popullit, Mujo Ulqinaku, duke nderuar kujtimin e atyre që dhanë jetën për liri më 7 prill 1939.
Ilda Ulqinaku, Mbesa e Heroit të Popullit Mujo Ulqinaku vlerësoi këtë përkujtim e nderim të përvitshëm.
86 vjet më parë, kur trupat fashiste zbarkuan në Durrës, u pritën me armë, duke rezistuar, pavarësisht mungesës së armatimit dhe numrit të vogël. Lufta u zhvendos në rrugët e qytetit, por rezistenca u thye nga goditjet e artilerisë së rëndë.
Përtej së kaluarës së përgjakshme, dy vendet tona, Shqipëria dhe Italia kanë ndërtuar marrëdhënie të qëndrueshme bashkëpunimi, veçanërisht në fushat ekonomike, sociale dhe kulturore.
Sot, në Durrës jeton një komunitet i integruar italianësh, ashtu si dhjetëra mijëra shqiptarë kanë ndërtuar jetën e tyre në Italinë fqinje.
©️zërionline
