Një tjetër tentativë për kontrabandë është goditur në Portin e Durrësit, ku Policia Kufitare, në bashkëpunim me autoritetet doganore, arrestoi një 28-vjeçar që kishte fshehur mallra të akcizës në furgonin e tij.
Në kuadër të kontrolleve të shtuara, analizës së riskut dhe inteligjencës policore, shërbimet kufitare ndaluan në dalje të Republikës së Shqipërisë shtetasin R. S., banues në Kukës. Gjatë kontrollit të imtësishëm në mjetin që drejtonte, policia zbuloi 177 steka me cigare të fshehura me qëllim shmangien e detyrimeve doganore.
Mallrat e kontrabanduara dhe furgoni u sekuestruan në cilësinë e provës materiale, ndërsa ndaj të riut rëndon akuza për “Kontrabandë me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.
Materialet procedurale i janë referuar Prokurorisë Durrës për veprime të mëtejshme.
©️zërionline
