Shkrimtarja bestseller gjermane u gjet e vdekur në Hamburg, hetime intensive per gjetjen e autorit.
Alexandra Fröhlich, 58 vjeç, romanet e së cilës janë ndër më të shiturit në Gjermani, u gjet e pajetë javën e kaluar. Autoritetet kanë nisur hetimet për vrasje, teksa 58-vjeçarja u gjet e sulmuar në një varkë pranë shtëpisë ku banonte, në bregun Holzhafen të lumit Elba në distriktin lindor Moorfleet.
Djali i saj e zbuloi trupin të martën në mëngjes, sipas policisë, e cila beson se ajo vdiq midis mesnatës dhe 5.30 të mëngjesit.
“Sipas informacioneve aktuale, të afërmit e gjetën gruan 58-vjeçare të pajetë në skafin e saj dhe lajmëruan brigadën e zjarrfikëses, e cila ishte në gjendje vetëm të konfirmonte vdekjen e gruas”, tha një zëdhënës i policisë për mediat lokale. Pas vlerësimit të gjurmëve dhe provave, autoritetet hetuese tani besojnë se gruaja ka vdekur si pasojë e dhunës”.
Zëdhënësi tha se hetuesit po kërkonin të dyshuarit e mundshëm dhe nëse vrasësi mund të ketë qenë i njohur për Fröhlich.
Fröhlich nisi karrierën si gazetare, fillimisht në Ukrainë, ku themeloi një revistë për vajza në Kiev. Më vonë, punoi si gazetare e pavarur në Gjermani për disa revista, përpara se të perfshihej në shkrimin e romaneve.
Ajo hyri në listën e bestsellerëve të revistës Der Spiegel, tregues i shitjeve të librave artistike e jo vetëm në Gjermani.
©️zërionline
