Një aksident tragjik ka ndodhur mëngjesin e sotëm në aksin rrugor Lezhë-Milot. Mësohet se dy persona kanë humbur jetën pasi u përfshinë në aksidentin e rëndë rrugor të ndodhur rreth orës 01:30.
Raportohet dy automjete janë përfshirë në aksident ndërsa si pasojë e përplasjes kanë humbur jetën shtetasi me Ramazan Harapi 66 vjeç dhe pasagjeri i tij Agim Harapi 52 vjeç.
Sipas policisë, dyshohet se shkak i aksidentit ishte pozicionimi i gabuar në karrexhatë i njërit prej drejtuesve, i cili rezultoi gjithashtu në gjendje të dehur, ndërsa hetimet vijojnë për të zbardhur shkaqet dhe rrethanat e ngjarjes.
Menjëherë pas ngjarjes, 33-vjeçari me inicialet Ardit Gjeçi u arrestua nga policia.
“Rreth orës 01:30, në aksin rrugor Lezhë–Milot, janë përfshirë në një aksident rrugor automjeti me drejtues shtetasin A. Gj. dhe automjeti me drejtues shtetasin R. H., 66 vjeç.
Si pasojë e aksidentit, kanë ndërruar jetë shtetasi R. H. dhe pasagjeri që ndodhej në automjetin e tij, shtetasi A. H., 52 vjeç.
Nga veprimet e para hetimore në vendin e ngjarjes, dyshohet se shkak i aksidentit rrugor të jetë, krahas kushteve atmosferike me reshje të dendura shiu, pozicionimi i gabuar në karrexhatë i automjetit me drejtues shtetasin A. Gj., 33 vjeç, i cili rezultoi në gjendje të dehur.
33-vjeçari është arrestuar në flagrancë, ndërkohë që grupi hetimor po vijon veprimet për sqarimin e plotë të rrethanave të ngjarjes”, njoftoi policisë.
